المساعد الشخصي الرقمي

مشاهدة النسخة كاملة : بنات الثانوية


ماريانا
08-12-2005, 02:59 PM
بنات الثانوية!!
احتارو البنات وين يدخلون علمي ولا ادبي وكل وحده دخلت القسم اللي تبيه يا انها مع صديقاتها ولا تبي تفتك من الرياضيات والفيزيا واللي تبي تفتك من التاريخ والي تبي والي تبي...


وفي هالوقت قامت وحده من البنات العلمي كتبت هالقصه :



حسبي الله على من تسلط على المسلمين=ضعنا ونبي رايكم يالسامعين
سهرنا الليل ورحنا نقول دارسين=وقلوبنا من الاسئلة حافظين
حفظنا الذهب والفضة وجانا الخارصين=والفراغات مليناها كلهاتخمين
ورحنا للسؤال الثاني على بالنا فاهمين=معادلات مع الاوزان عز الله ضايعين
ماعرفنا من الرموز الا الماء والاكسجين=والا السؤال الثالث يامن يعين
مسالة مانعرف لها راس من رجلين=اكتبي الصيغة الوزنية ماحناعارفين
والقوانين والله يستر علىالقوانين=تكسرت الالة من الطقطقة مابقى الا زرين
والمصيبة مشرفتنا تصرخ يانايمين=من زود الوناسة شايفتنا قاعدين
سلمنا الاوراق مافيها صح الا اثنين=الاسم ورقم الفصل وعلىالباقي مشطبين
واخرتها سلامتكم يالربع والسالمين=واذا مااشتكينا لكم نشتكي لمين ياناس انصفونا من الظالمين=والا ترانا اخر السنه من الراسبين





بنات الادبي فتبرعت وحده منهم وردت


من قال لكم تدخلون علمي يالمجانين=هذي هي سوات ايديكم يالفالحين
اسهروا ليلكم مع نهاركم ياالشاطرين=وحنا بنشخر مع النايمين
وحفظ الادب والمكتبة ومواد الدين=على طول بنجاوب دامنا حافظين
قلنا لكم نيوتن وفيثاغورس ميتين=وجعلكم ماتصيرون بانفسكم فالحين
واخرتها الله يسلمكم يالسامعين=وان شاء الله نشوفكم مع الراسبين



تنرفزوا بنات العلمي وقالوا :

والله وطلع لكم صوت يالادبي يالخايسين=وان كان على التوهان والله انكم تايهين
من يبي المصاله وقلة الحياء قال للادبي داخلين <--غلطت!!=دايم عند الاداره يامخبل متهاوشين
تحطون راسكم براس العلمي يالمساكين=ترى لكم الكرف والبيت وغسل المواعين
اتركو عنكم الحقد مركزنا منتوب واصلين=حنا لنا العلم والمستقبل يالمساكين
واخرها الله لايسلمكم من البلاء يالمساكين=واخر السنه ان شاء الله نكون من الناجحين...

منقووووووووووووووول
غدير الولاية
10-12-2005, 01:43 PM
هههههههههههههههههههههههههههههههههههه
والله الفخر لبنات العلمي الا يفهموا ويشغلوا عقلهم
مو الادبي لا يحفظوا على عمايه
-------------
مشكورة واجد على الموضوع الحلو
لا اعرف من اين تأتين بالمشاركات المميزة
بروق الطف
14-12-2005, 02:09 PM
بسمه تعالى

....
الله يكتبنا برحمته مع علمي ....
مانبي لابلاغه ولا مكتبه ولا جغرافيا وتاريخ.......ولو يشيلون بعد الأدب والنحو من العمي يصير أحسن...
....
مشكوره ماريانا على الموضوع...صراحه يضحك وبالذات البدايه...

والسلام
منارة الدعاء
14-12-2005, 02:50 PM
السلام..
حلو الموضوع خليتيني اضحك..
بس للأسف غناتي ماريانا
احنا بنات العلمي ماعدنا وقت نتشابك مع بنات الأدبي...:ohh:

مشكورة غناتي...

وفق الله الجميع بحق محمد وآل محمد عليهم السلام..
الفرات
14-12-2005, 03:02 PM
حلوة..:biggrin:
بس هم بنات الادبي مساكين..
مو كلهم داخلين هالقسم بس علشان يحفطوا على العمياني...؟:beee:
ومو كل من دخل علمي.. صار أفضل من غيره صح؟:tongue:
ترى في ناس يدخلوا أدبي ويرفعوا الراس..:ohh:
ماريانا
14-12-2005, 03:04 PM
شكرا لكل من دخل صفحتي و انارها بقلمه المزهر
غدير الولاية:beee: أحنا بنات الأدبي ما نحفظ على عماية
:yahoo: بس أحنا لمستانسين تعالي شوفي مدرستنا شلون البنات
يستانسون من الحصة الفراغ:biggrin:
يا الله ماعليه خيوه فنهايا أحنا خوات صح:cool:
بروق الطف:flowers: مشكورا خيوه على الرد الجميل
منارة الدعاء :birgits_t أذا تبي تشابك في يوم الخميس أو الجمعة أنا مستعده
:flex: :flex:
بس إلي يغلب يقدم لثاني هدية
<<<<<<<<<هذا إذا بقى فيهم روح:ohh:
:muwafiq:
ماريانا
14-12-2005, 03:07 PM
مرحبا يا الفرات :62_f: ليش أحنا مساكين
أحنا الأقوه لأنك أعترفتي بأن ناس داخله أدبي ورافعين الراس
إلى زيي مثلاً:biggrin:
:muwafiq:
منارة الدعاء
14-12-2005, 03:28 PM
السلام..
هلا ماريانا
تراني حاضرة ويش مستعدة..
لان بصراحة نفسي اطلع حرتي في بنات الأدبي
كله فاضيين وبس يدرسوا 3 حصص والباقي فاضيين..
وش هالدوام يقعدوا في بيوتهم احسن اليهم...
مو تزعلي بس هذا واقع مدرستنا....:flowers: :flowers:

وفق الله الجميع بحق محمد وآل محمد عليهم السلام..
منارة الدعاء
14-12-2005, 03:44 PM
السلام..

نسيت ماتكلمت عن الهدية..
ولايهمش غناتي اذا غلبتيني الش احلى هدية مني...<<<====عشان لايقولوا تتهرب..:biggrin:


انتظرش..



وفق الله الجميع بحق محمد وآل محمد عليهم السلام...
الفرات
14-12-2005, 03:54 PM
مرحبا
ترى مو قصدي
بس بنات الادبي دائما ظالمينهم
ومو تحيز لان طموحي علمي:claps:
ماء زمزم
14-12-2005, 05:01 PM
مرحبا ماريانا..
زعلوني بنات أدبي,...كله يسبوا في الكيمياء غناتي:62_f: أحتج..


والله الكيمياء يجننننننننننننن..
بس أنا يعوروا قلبي بنات أدبي كللله حفظ موادهم ..
ماأدري كيف يتحملوا..يعني احنا علمي عندنا مثلا يوم النحو اجازه..
لأن خفيف والإنجليزي بعد..يعني موادنا الثقيله قليله ..وباقي المواد عندنا تسخين بس<<فواصل إعلانيه أثناء الإمتحانات..بس أدبي مساكين أحس موادهم كلها ثقيله..الله يعينهم


عموما وفق الله الجميع
:flowers:

أين الطالب بدم المقتول بكربلاء
الزهراء
14-12-2005, 09:31 PM
أنا طبعا علمي الله مررررره حلو الموضوع ماريانا

نترقب جديدك لا تبخيل علينا

يلا سلام
الزهراء
14-12-2005, 09:32 PM
صحيح الكيمياء والفيزياء حلوين لكن الأحياء وع مو حلو
عطر الندى
16-12-2005, 04:14 PM
جت ليكم وحده من أقوى المدافعات عن الأدبي...
أعانكم الله عليها

ترى الأدبي مو كسلانات ... ولا تعبانات... ولا ليهم الكرف في البيوووت ...
الأدبي ... عشان يحفظوا لازم يفهموا ...
وإلا برأيكم نقدر نحفظ كلمة من دون ما نفهم معناها؟؟!... أصلاً ما بنقدر نرددها لأننا مافهمناها !!!...
وموادنا مو صعبة ... ولا ثقيلة دم ... عادية ... فيها الجميل مثل البلاغة ... وفيها القبيح مثل التاريخ !!...
لكن ...
يظل مجهودنا يساوي مجهود علمي ... علمي يتعبوا في الحصص ... وفي المذاكرة ...
ومسائل وقوانين ... وأشياء أخرى ...
والأدبي يتعبوا في المذاكرة والحفظ والتحضير المطالبين به في كل حصة وكل دقيقة وكل يوم ...
يعني كل يوم نرجع البيت ... نحفظ الدرس السابق ... ونحضّر الدرس الجديد .... في كل مادة ....
مطالبين بكل كلمة .... الأمر مو صعب ... إلا مسلي ... وتعرفي قيمة الشيء اللي بين يديش ...
أحياناً ... تجي لش كلمة ما تفهميها في الحصة ... لما تذاكريها في البيت ... تحفظيها لأنش تعبتي عليها ...
الأدبي والعلمي سواء ... اثنينهم تعب ومجهود .... واثنينهم طموح ... ومستقبل ...
لا تقولوا الأدبي ماليهم مستقبل أو ماليهم وجود ... بـ العكس ... حالهم حال العلمي ...
في مراتب ... وفي أوائل ... وفي نسب عالية ... وماجابوها ببلاش .... إلا بــ تعب !!... ومثابرة !!!
شيء طبيعي إني أدافع عن قسمي ... لأني اخترته عن ميول... طموح ... اختيار رفضه الكل ...
لكن ... أنا أصريت عليه ... ووصلت إلى أفضل المراتب فيه .... لأنه شيء أتمناه ....
وأي وحده تتمنى الشيء بتوصل إليه بـ قوة إرادة ومثابرة .... وطموح .... !

ويبقى للعلمي ميزاته ... وللأدبي ميزاته ...
ولا فرق بين طالبة العلمي والأدبي .... ولا علو لواحدةٍ على الأخرى ...
كلنا طالبات علم ....
وبــ التوفيق للجميع
ماريانا
21-12-2005, 08:12 PM
كم أبهرني قدومكم إلى صفحتي
وكم أنارت بقدومكم شكرا إلى كل من دخلها
ولكن
هناك
ملاحظة إلى عطر الندى كيف تقولين أن التاريخ قبيح ونحن من يستمتع مع المعلمة
و كم تشوقنا إلى المادة وتحظر لنا لقصص و يصبح أكثر تشويقاً وكنتي
تحبين سماعها و كم أنظر إليكِ و أنتي جالسة على ذلك الكرسي تستمعين إليها
أنا صحيح بأني لا أحب مادة التاريخ و لكني أحب أسلوب معلمتي أنها حقا رائعة و المادة أروع
أرجو أن لا تزعلى من بنات صفكِ يا حبيبتي
:muwafiq:
براءة الورد
22-12-2005, 08:28 AM
ملاحظة إلى عطر الندى كيف تقولين أن التاريخ قبيح ونحن من يستمتع مع المعلمة
و كم تشوقنا إلى المادة وتحظر لنا لقصص و يصبح أكثر تشويقاً وكنتي
تحبين سماعها و كم أنظر إليكِ و أنتي جالسة على ذلك الكرسي تستمعين إليها
أنا صحيح بأني لا أحب مادة التاريخ و لكني أحب أسلوب معلمتي أنها حقا رائعة و المادة أروع
أرجو أن لا تزعلى من بنات صفكِ يا حبيبتي


معانا بالمدرسة يا ماريانا..؟ يعني مثل مااتوقعنا..

وأنا رأيي مثل غيري... لا فرق بين طالبات العلمي ولا طالبات الأدبي...
فكلنا طلااااب علم فحسب....
لن أطيل فـ قد قيل ماأردت قوله...
لكِ سلامي!