.:: فلتتعالَى الضَحكَـــات بصُحْبَةِ ملائِكَتِي الصغار ::.

[عطر الندى]

سَـــلامٌ ملائِكيّ مُشْرِق النُورِ نُهْدِيكُم..

http://www.by-silke.de/silkes-traumwelt/navigation/linie_01.gif
وسَطَ منازِلنا يُرَفْرِفُون ملائِكتنا الصِغار، ليرْسمُوا البهْجَة على شفاهِنا..
وَكثِيرَةٌ هِيَ المواقِف التِي يفعلها الصِغار، فنتضَاحَك فرحِين لتصِل ضحكاتنا إلى سماءِ العظمَةِ والكمَال..
فهَل يحضركُم الآن موْقِفٌ مضْحِك لأحَدِ صغارِكُم؟، سواءٌ أكانَ أخاً/ أخْتاً، ابْناً/ ابْنَةً، قريباً/ قريبَةً لكُم..

سَأذكرُ ما يحضرنِي الآن مُنتظِرَة منكُم الكثِير، فالجَمِيع هُنا يُرِيد أن يضْحَك..
http://www.by-silke.de/silkes-traumwelt/navigation/linie_01.gif

أختي الصغرى القمر..
أمس.. اني تذكرت صديقتي..وقمت أتكلم عنها من كثر مااشتقت إليها..
وما أشوف إلا أختي تصيح.. وبقوة دموعها تمشي..
مسكتها وقلت ويش فيش ؟ وهي تزيد؟ وبالموت إلا سكتت واتكلمت..
إلا هي تقول.. مشتاااااااقة لصديقتي..
هني اني ماادري ويش اسوي.. اصيح وإلا أضحك..
بريئـة تصيح لأنها مشتاقة لصديقتها...يجننوا الجهـال..

أنتظركم فلا تبخلوا عليّ بمواقف جميلة ومضحكة من صغار العائلة..
تحياتي وحبي لكم
وللأمانة الفكرة منقولة

[براءة الورد]

موضوعٌ رائع أخيتي
وسَطَ منازِلنا يُرَفْرِفُون ملائِكتنا الصِغار، ليرْسمُوا البهْجَة على شفاهِنا

عندي أخوي الصغير
احنا في بيتنا قليل اذا أحد أكل" موز "
أمي قامت تقول
الموز ابداً مااحد يسلم عليه
الا أخوي يقول الى الموز
السلام عليكم
:D

تحياتي وحبي

[عطر الندى]

هههههههههههههه خفيف دم صحيح..
الجهال حليوين إذا اتظيرفوا :p

[نُون]

بصراحة مرة يجننوا أخوتكم...كان زين عندي أخوة صغار...أمنيتي..
لكن عندي أولاد أخوة..
وأذكر موقف صار لي..يوم كنت صغيرة قاعدة أصيح وأصيح ..
أبغى فلوس..أبغى 50ريال..وقدامي قاعد أبوي..
ومر علي ولد أخوي وهو عمره سنة وشهرين وتوه يمشي..
وقلت ليه..(لولد أخوي)..
أبغى فلوس..وأني أصيح..
ماشفته إلا هو يطلع فيي ..وكان هو جنب أبويي ..وماشفته إلا هو ماد إيده إلا جيب أبوي ..حق ثوبه..وشال فلوس منه..وعطاني وياهم..فقام أبوي يضحك بقوة أول مرة يضحك فيها كذه..
أني ضحكت لكن إلي ضحكني هي ضحكت أبويي أكثر..

هذا الي أذكره..
وعندي مواقف وااااجد...

[عطر الندى]

لاتبخلوا علينا بالمواقف..
الجهال قمارى صدقوني..
حتى احنا نفسنا واحنا أطفال سوينا الهوايل..
بتذكر وبرجع لكم

[رايات الحسين]

بسم الله الرحمن الرحيم
أحد أقاربي لديه ولد صغير
إذا شاف سيارة صغيره (لعبه)
يقعد يصيح وإذا اسألوه يقول
فتحوا بابها أبي أركب فيها

تحياتي للجميع:rolleyes:

[براءة الورد]

حلوين الجهال أحبهم
وهالموضوع بجد فرحني
بس ماتوقعت عدم التفاعل
# # # # # #

كنت جالسة أشاهد
وفجأة شفت أخوي عاطي نفسه كف
ويقول آي آي
ويجي لي ويضربني
قلت له وش سويت لك أني قال
ليش تعطيني كف

ماأشوف الا كل البيت قاموا يضحكوا عليه ضحك
هههههههههههههه
وكل شوي يسوي حركه ويجي يضربني
مسكينة أني ضحية

تحية

[عطر الندى]

رايات الحسين
بصراحة خوش موقف..
الله يخليه لكم..

جنة الدنيا
أخوش شكله ظريف
بس قولي له يتظيرف على روحه..

----------------------
ذاك اليوم ولد بنت عمتي شاف سيارة
لونها برتقالي..
لما جاء بيقول سيارة برتقالية
قال سيارة بقتالية..
----------------------

تحياتي للجميع وشكري على تواجدكم

[رايات الحسين]

بسم الله الرحمن الرحيم

.........كنا في مدينة الألعاب(الملاهي) وكان في ذاك اليوم مسابقه
للأطفال دخلنا والأطفال اجلسوا وجا واحد (رجال) لابس لبس لأحد
شخصيات الكرتون....... شافه واحد من الأطفال وقام يمشي وراه
وهو يقول هذا كذاب هذا رجال لابس لبس ويكرر الكلام وبصوت
عالي والمسكين متفشل حده ..... لو يقدر كان كفخه لين قال بس.

تحياتي

[عطر الندى]

موقف جميل غاليتي
رايات الحسين..
بصراحة الأطفال جميلين ببراءتهم..
لا تحضرني مواقف حالياً..
سأعود

[فيض الحنان]

مرحباااااا

ولد عمي الصغير القمر

ذاك اليوم وحنا نازلين من الطائرة لما كنا مسافرين كان هو في أول مقعد
فنزل أول واحد ووقف عند باب الطائرة يتأمل ويطلع يمين يسار ويحوس وحالة
ومعطل ألي وراااااه فقام واحد وحمله ونزله
ولد عمي انقهر وراح يسب فيه ( ياحمار ياكلب يا سخيف يا تافه ... ويعنو )
الحمد لله أن هم مايفهم حق اللغه العربية كان قتلوه هههه

تحياتي العاطرة..

[رايات الحسين]

باسمه تعالى
طفل أحد أقربائي يخاف من الحمار *أعزكم الله*
ويسميه البطل الصامت
تحياتي

[عطر الندى]

مواقف طريفة جداً..
ولا عاد موقف فيض..
حركات مرة..

رايات شكراً لحضوركِ المتجدد دوماً..

انتظركم فلا تبخلوا عليّ..

تحياتي

[فيض الحنان]

مواقف الأطفال روووعة

أحاول أتذكر

وأكتب لكم

تحياتي..

[فيض الحنان]

اليوم الظهر أخوي الكبير جالس يشاهد التلفزيون

أختي الصغيرة جالسة تحت الكنب

أخوي أستغرب فقام يشوفها ويش تسوي

طلعت ماخده جوال أخوي وجالسة تحوس فيه

وخايفة من أخوي علشان كذا

جلست تحت الكنب

والكل مات من الضحك عليها

تحياتي...

إذا أذكرت غير هالموقف بجي وبكتبه

أوكي

[عطر الندى]

موقف حلو..
والله تعرف تنخش..
تحت الكنبة في نفس المكان اللي هو قاعد فيه..
صحيح ذكية..
مشكورة عيوني فيض

[فيض الحنان]

العفو حبيبتي عطووره

أختي تعرف تنخش وتخش

مثل مره كل هي مع أولاد يبغو

يلعبو في غرفتي أنا ما أرضى لأنهم بيعفوسها

ويكسروا الأغراض ألي فيها

فصرت كل أقفلها و آخذ المفتاح معي وين ما رحت

مره جت لي قالت أختي حبيبتي

أبغى ألعب في غرفتش بس أني بحالي

قلت لها أوكي بس ما دخلي أحد غيرش

وفتحت ليها باب غرفتي

ودخلت ما أخدت المفتاح فهي عاقلة علشان أنا لا أقفل الغرفة

وآخد المفتاح قامت أخدت المقتاح وخشته فمكان محد يتوقعه

أنا جلست أدور على المفتاح ولما أكتشفت أن هي

خشت المفتاح مت عليها من الضحك

على حركتها

تحياتي...

[عطر الندى]

فيوضة
اختش خفيفة دم مرة..
الله يخليها لش..
مشكورة على المرور
والمواقف الحلوة..
تحية

[فيض الحنان]

العفو حبيبتي

ويخليلكِ أخوتكِ

يـــــــا رب

تحياتي

راجعه بمواقف جديدة

[عطر الندى]

ويخليش ويسلمش يا بعد روحي..
ننتظرش..
تحياتي

[فيض الحنان]

مره لما كانت أختي صغيرة

تقريباً كان عمرها 3 أو 4 سنواات

كنا كلنا جالسين في الصالة

ونشوف البيت هدوء ويش صاير وين هي أختي

الكل قام يدورها ويناديها

فأنا ركبت فوق أدورها

درت على الغرف ألي فوق كلها بقى غرفة أخوي

دخلتها ألي أشوفها قاعدة

على سرير أخوي

وجنيها مزيل الشعر مال الرجال

وموس الحلاقة وجالسة تحلق

وأصورخ بقووة

وأمي أخافت وركبت لينا على طول

وتشوفني أضحك ووجهي أحمر من الضحك

ولما شافت أختي ما عرفت وش تسوي هي تضحك هي

تضرها ولا ماتدري

ومسخرة هذاك اليوم

تحياتي..

[جنه]

مره حلو مواقف

[ريم القطيف]

هلا وغلا..

الصراحة مواقف ترسم البسمة على القلب والوجه..
~~~~

بس أدكر شي عن أختي..
بكتب..
:p

ريميية..

( على فكرة عطوووووووورة شكراً على الموووووضووووووووع الرائع)