الى كل من حاب يتعلم ..

[بو داوود الاسمر]

السلام عليكم روادي ..

كان في رواد يبون يتعلمون اللهجة الكويتية ..

و انا لكم بالمرصاد ..

الي يبي يعرف يقول اي كلمة و انا موجود ..

[miss beauty]

موضوع حلو ..
أنا ابيك تعلمني شنو يعني مندي .. >> الأخت يوعانه
لوووووووووول

والسلااااااااااااام ..

[آلوان الطيف]

شكرا لك يالغلا ..

أنا أبغى أعرف معنى كلمة ... ((شكــــو)) ؟؟؟؟

[Madridiah]

أتقن اللهجة الكويتية والانجلزية

[صابونة]

حابة أتعلم
عشان أفهم المسلسلات الكويتية
خخخ

[اميرة الوادي]

هههههههههه
ثلاثة ارباع اعرف اتكلم كويتي

[فدك]

بو داوود الموضوع مو هذا الي يناسب الموضوع أكتب فصل تعلم اللهجة الكويتية..
ومو تحط الكلماااات الي نبي نعرفهــا أنت حط كذا كلمة وشنو معناهاok الي يبي كلمة يطلب من المدرس: بوداوود الأبيض لوووول

[بو داوود الاسمر]

مس بيوتي >> مندي >> (( عيش مع اللحم او الدجاج او الروبيان و يتقنة الهنود اكثر شي )) ..

الروميه >> شكو ؟؟ >> (( وشوله )) >> لوووووووووووووول ..

فدك >> اذا سويت مثل ما انتي قلتي راح يحذفون الموضوع لأن في اكثر من عضو كتب مثل الاسلوب الي انتي تقصدينه ..

و مشكووورين كلكم على المرور ..

[فدك]

بو داوود يعني انت تحط اي موضوع بس المهم أن يكووووون في الموضوع 5 كلمات على الأقــل في اليووم واليووم الثاني نفس الشئ في ياليــت انك تنفذ هذا الشئ وأني ومعظم الرواد نبي هاللجة تدرري ليـش لأن من كثر مانشااهد المسلسلات الكويتية وإذا تعبة عليك الموضوع الي بتفتحه خلي معاااكـ عنااابة علشان تصيروون: الأستاذ:بوداوود
الأستاذة:عنابة
ويكوون عندنا في النادي 2مدرسين ييااااااااه
وأني أتقـن اللغة الأنجليزية وأبي الكويـ...:ahm: :ahm:

[فدك]

يالله متى إن شااااء الله نترقـب أفتتاح فصل بوداوود وعنااااابة:yeah: :yeah:

[باقة ورد]

يعني ويش
(( شكو ))
اني مافهمت هذي
(( وشوله )) اشرح باسلوب ثاني او حط حركات على الحروف

[هدوووء .. ~]

بو داوود .. تسمح اوضحها اكثر ..

شكو = وشوله = شحقى = لويه = الاويه = ليش = لماذا

[بو داوود الاسمر]

فدك :: ما اعرف احد كلمات من عندي .. لازم انتوا الي تحددون ..

شيطانة مرررة :: مشكووووورة على المساعدة ..

لكل الرواد :: مشكووووووورين على المرور ..

[باقة ورد]

اها
الحين عرفت
مشكورة شيطونة

[فدك]

ااووووووووووووووووووووووووووه بو داوود قصــدي المدرس بوداوود..
أي كلمة حط أنت مو فاهم ليي كيف يعني شلون أففهمــك مو راضي تفهـم قصدي حط أي كلمــة من عندكـ يالله أنت أفتح الحيـن الفصل وبعدين خير إن شاء الله بس إفتحــه تراني ماراح اترك باظل وراك وين مارحت الا تفتح الا تفتح لازم
:marsa32:

[صابونة]

ما عندي ولا كلمة

[بو داوود الاسمر]

لوووووووووووووووووووووول ..

اوكي ..

تررررررررررررررررررررررن ..

و طق جرس المرسة و بدت حصة الاستاذ (( بو داوود الاسمر )) ..

يا الله يا طلاب ناطر أسألتكم ..

ـــــــــــــــــــــــــ

جذي يعني ؟؟

[باقة ورد]

حط لينا كلمات كويتيكة:vertag:
وجنبهم معناها بال سعودي ( القطيفي )

[Madridiah]

جلابية من موضات الزمن القديم(حقات العجايز)
=
دَرَّاعَة

[Madridiah]

وجنبهم
خخخخخخخ
للتوضيح ترجمهم

[بو داوود الاسمر]

يااااااااااااااااااروااااااااااااااااد ..

قلتلكم ما اعرف احط كلمات لاني انا ما اعرف شنو الي تبونه و الي ما تبونه ..

انتوا قولولي و انا تحت أمركم ..

[][.. جــيــــلان ..][]

راحت عن بالي الكلمه اذا تذكرت برد بكتبها ومشكور ع الموضوع

[صابونة]

,احنا نقول لك ما عدنا كلمات,

حط كلمة تتوقع ان ما حد يعرفها

[باقة ورد]

يعني ويش
اشتو ؟؟؟؟

[بو داوود الاسمر]

ههههههههههههههه ..

اشتو ؟؟

ما في كلمة كويتية (( اشتو )) ..

انتي سامعتها غلط ..

يمكن تكون (( عشتوا )) ..

اعطيج مثال على هالكلمة لاني ما اعرف شلون اترجمها لكم ..

المثال :-

الاول : ابوي عندة 5 ملايين في رصيدة ..

الثاني : عشتوا .. يعني كلش الفلوس اهي كل شي الحين بالدنيا ؟؟
لوووووووووووووووول ..

اتمنى انكم فهمتوا ..

[باقة ورد]

أها
ما سمعتها من كويتي من جنسية ثانية
طيب وش معني
لاتحاتي
هي شدي ولا سامعتنها غلط :ahm:

[Tάanά]

لاتحاتي

معناها لاتخافي .. أو يعني لاتصيحي ..

آسفة على اللقافــة
وومشكـــور ع‘ الموضوع النايس ... >>جعبني .. :ahm:

[الفارس الملثم]

يسلمو ع الطرح الجميل

[بو داوود الاسمر]

اوكي اوكي ..

يمك >>>>>>> جنبك ..

اشحقة >>>>>> ليش ..

شكو >>>>>>>>> لماذا ..

عيل >>>>>>>>> اجل ..

[باقة ورد]

وكيف تقولو
كمبيوتر >>
فطور>>

[ريحانة الطفولة]

مشكور اخي بو داوود على الموضوع الحلو..
ممكن اتليقف..>>> يت الملقوفه..

عزيزتي باقة ورد معنى فطور >> ريوق..

>>>>>>>عدله الكلمه الى كتبتها <<<<<<<<
وبس >>>> تعبتي حالش..

بو داوود ممكن سؤال:blush: ؟؟؟؟

شنو معنى(لووووووووووول) ؟
:bal: >>> ماتعرفيها؟

[بو داوود الاسمر]

لووووووووووول ..

تعني المطنزلة ..

يعني مثل ما كان في لعبة " اعصر الليمونة " ..

لما مثل انتي ترعصين الليمونة بحلجي و تجي شيطانة و تقول (( لوووووووووول )) ..

يعني استهزاء او طنازة ..

اتمنى انج فهمتي ..

[ريحانة الطفولة]

اهاااااااا

أفهمت القصد..

مشكووووووووووور أخوي بو داوود..

لاعدمناك...

[باقة ورد]

وكيف تقولو

يد
رجل
يعني
:kid:

[دمعة الأيام]

أني أعرف اللهجة الكويتية عدل
من كثر ماأشاهد كويتي!!!
كل الكلمات أعرفها تقريباً
مشكور أخي على الموضوع

[دمعة الأيام]

ممكن أساعدكم وأجيب كلمات كويتية ومعناتها بالسعودي؟؟؟

[بو داوود الاسمر]

اي نعم اختي ..

تفضلي و ساعدينا ..

مشكووورة على الباردة اللطيفة ..

[دمعة الأيام]

ان شاء الله تعجبكم

شاي_______________ شاهي

ريوق_________________ فطور

تاير_________________ كفر

سكان سياره_____________ دركسون سياره

قزوز_______________ شكمان

جسر____________________ كبري

بيض طماط________________ شكشوكه

طوفه _____________________ جدار

تيب لزاق_____________________ شطرطون

درنفيس________________________ سكروب

تنكر_________________________ وايت

شلونك_________________ كيفك

والله صدج __________________ بالله عليك

موبايل _________________ جوال

رفيجتي ________ صديقتي

يمعود روح __________ قم بس قم

والله انك رايح فيها______________ صدقني انك منسم

تصدق اني احبها حيل____________ تصدق اني احبها مرررررره
قيمر ............... قشطة بالسعودي


اتغشمر وياااااااك .......... يعني أمزح معك أنت ووجهك
علينا يوووووبااااااا ............ يعني بلا نصب

شدعوا يا حافظ ................. يعني خير ان شاء الله

جيكر .................... شين

برتغال ................. دولة أوروبية بالسعودي امززززززح معناها برتقال

ديوانية .................... مجلس الرجاجيل خخخخخخخخخ

ما معي ولا بيزة ................. يعني طفران

قفشة ................... ملعقة

قاري ............... سيكل

مليغ ............ يعني ثقيل طينة

هعهعهعهعهعهع ............... يعنيهههههههههههههههههاااي

ناصر .................. يعني خالد بالسعودي ههههههههههههههههااااااااي امززززززززح
مسخرة ------ شخص عديم الفهم (لوح)
رينق ------ جنط
كوت بوستة ----- بلووت
ترٌك ----- كبس
رفيق ----- يامحمد
دريول ------ سواق
سكراب ----- تشليح
مهياوه ----- حليب جالكسي بو ريالين
جاسم ---- قاسم
جيك ---- عفريته
مجكنم ----- صغيرون دقاقة
أعطيك فنقر ----- أشوتك
يني ----- جني
خاشوقه ----ملعقة
جدر ----- قدر
يا كلاكجي ----- يانصاب
زيقاير-------دخان
الله بالخير ---- أختصار السلام عليكم كيف حالك شلونك عساك بخير
يالهتلي ياللوتي ----- واحد يلف ويدور لعاب
مقلجم ---- ضايق صدره
نفخ نفخ ----- أدعس أدعس
بواق ----- حرامي
صمون ----- صامولي
ياعلك الماحي ---- دعوة قوية معناتها(أفلقني إذا توفقت)


وش رايكم باترجمة مرررررررة رهيبة صح؟؟؟؟؟؟؟؟

[بو داوود الاسمر]

ههههههههههههههههه ..

اخي الصراحة كفيت ووفيت و بيضت الوجة ..

يعني مافي الحين عضو يقولي ترجملنا كلمة ..

و الله ريحتني ..

مشكووووووووووووووووووور ..

[دمعة الأيام]

قصدك مشكوووورة
هههههههههه
العفو أخي هذا واجبنا

[باقة ورد]

شكرا دمع ـة

[دمعة الأيام]

العفو أختي

[صابونة]

أعرفـــــــــــــــــــــــــــــــــــــــــــهم الكلمات هدي أعرفها
ريوق_________________ فطور
سكان سياره_____________ دركسون سياره
بيض طماط________________ شكشوكه
شلونك_________________ كيفك
موبايل _________________ جوال
رفيجتي ________ صديقتي

تصدق اني احبها حيل____________ تصدق اني احبها مرررررره
قيمر ............... قشطة بالسعودي


اتغشمر وياااااااك .......... يعني أمزح معك أنت ووجهك
علينا يوووووبااااااا ............ يعني بلا نصب

شدعوا يا حافظ ................. يعني خير ان شاء الله
خاشوقه ----ملعقة
جدر ----- قدر

الباقي ما أعرفهم
لهجتكم صعبة تعبتني
ها تعرف انت تتكلم زينا

[أغادير]

ناصر .................. يعني خالد بالسعودي ههههههههههههههههااااااااي امززززززززح
هههههههههههههههههههههههههههههههههههههههههههههه
هههههه..موتتني ضحك هالجمله,,

بو داوود أشوفكـ أستانست ههه..



ههههههههههههههههه ..

اخي الصراحة كفيت ووفيت و بيضت الوجة ..

يعني مافي الحين عضو يقولي ترجملنا كلمة ..

و الله ريحتني ..

مشكووووووووووووووووووور..


دمعـة الأيـام بنت مـو..؟؟

عذراً ع التدخـل,,

[بو داوود الاسمر]

و بعد في كلامات غيربة كويتية و قاعد احضرها ليلحين ..

و عن قريب تخلص ..

و راح تقولون بل بل بل اشهاللهجة ؟؟

لوووووووووووول ..

[ZOzo}]

يسلموااا عالموضوع

[هدوووء .. ~]

ههههههههههههههههههههههههههههههههههههه ..
في معلومة في الهجة الكويتية ..
حرف الجيم = حرف الياء ..
على سبيل المثال :
واجد = وايد
حرف الكاف = حرف الجيم ..
على سبيل المقال :
سكين <<< سجين ..
ونادرا جدا يتحول القاف الى جيم ..

سموووحة ً ع التطفل !!

[بو داوود الاسمر]

لالالالالالالالالالالالا ..

مافي اي نوع من التطفل ..

مشكوووووورة على التةضيح للرواد ..

ـــــــــــــــــــــــــــــــــــــــــــ

و هذه الكلمات اليديدة :_ ..

أّيـّيـس = فقد الأمل

· إبـطـيـني = الشخص الذي يحب الأكل بكثرة وفي أي وقت

· أثول = تطلق على الشخص الذي لا يجيد تدبير عمله

· إزكُومبي = الشخص غير الجدي والمتلاعب

· إشلايتي = الشخص غير الجدي والمتلاعب

· إلهيس الأربد = تقال للفتى الخامل البليد

· إمتبتب = الشخص السمين (يعني بودعي)

· إمدحدح = الشخص السمين القصير

· إمربرب = الطفل الصغير حسن التغذية

· إمشلوَط = تطلق على الأكل الحار ، وتطلق على الرجل عصبي المزاج

· إمهتمل = تطلق على من لا يعتني بملبسه ومظهره

· الأوتي = أداة لكي الملابس

· بَـحَاصَـه = الأرض الصلبة قليلة التراب

· بلاغة شف = فضول ، محاولة التدخل في شئون الغير ومعرفة ما يدور بينهم

· بو هبه = يقدم على الشيء لفترة بسيطة ثم يمتنع

· بـوتـمـبه = الشخص السمين

· بيض الصعّو = الشيء النادر ، الذي تسمع عنه ولا تراه

· ثقيل طينه = دمه ثقيل لا ترتاح لوجوده

· جمبازي = الشخص غير الجدي والمتلاعب

· الجندل (الشندل) = خشب يستخدم لسقف الغرفة

· الحاله كسيفه = الحاله سيئة

· خـّري مـّري = الدخول والخروج من غير إستئذان أو نظام

· خـذ وخـل = تقال للشخص الذي ليست لديه مصداقية أو لمن يتحدث بأمور غير صحيحه

· خنت حيلي = تطلق على من يكسر الخاطر ، وتستخدمها النساء فقط

· راشدي = الضرب بالكف على الخـد أو الوجه

· ربادي = الكسول الذي لايعمل

· سمردحه = تطلق على المكان الكبير والواسع

· سِـنيار = مرافقة بعض بالمراكب ، وعادة تستخدم بالسفر أو الطريق الطويل بحري كان أو بري

· سوجري = الصروال الذي يصل طوله إلى مافوق الركبة بقليل

· شريَص = أمسك بالشيء بقوة (شرياصه)

· شبَص = أمسك بقوة (شبَاصه)

· الششمه = النظارة

· شكردي = سريع في القيام بالعمل

· شلاويط = ريحة اللحم المشوي

· شـماطيط = الملابس المقطعة

· الصبخة = الأرض التي تبخر عنها ماء البحر وبقي عليها الملح

· طاكته البوهه = مندهش ومنبهر

· طِـحـيـحَـه = متوفر وبكثره ( مثلا السمك بالسوق اليوم طحيحه )

· طريره = حاده – سنينه

· طمطم عليه = أخفى ودفن وستر على عمله أو قوله

· طنبحله = الشخص السمين

· طنطل = تطلق على الشخص الطويل

· عاقد النونه = الشخص الذي يقرب حاجبيه إلى بعض تعبيرا عن الزعـل

· عـيّـار = الشخص المراوغ

· غـزير = بحر عميق

· غطاوي = فوازير

· غـمَـنـدَه = السـر ويقال (بينهم غمنده)

· فاصخ = يقول ويعمل أشياء من غير إستحياء

· الـفـي = ظل الجدار أو السقف أو الشجره ، يقال فلان جالس في الفي

· كشخه = اللبس الجميل أو الفاخر أو الجديد

· كفشه = ملعقه

· كودنه = تطلق على الشخص الغبي

· كيري ميري = اللف والدوران ، يقال فلان ما عنده كيري ميري . يعني فلان جد لا يحب اللف والدوران

· لا توطوط = لا تأتي مطلقا

· لاهـوب = الهواء الجاف والحار ، يقال اليوم الهوا لاهـوب يصلخ الوجه

· لغلاغه = تطلق على مياه البحر عندما تكون أمواجه خفيفة

· لغـوه = كلام كثير ليس منه فائدة

· لـُـوتي = الشخص غير الجدي والمتلاعب

· متعـومِـس = مضطرب ومرتبك

· مِـتـلَـيّـيــش = متعب جدا ومرهق

· مَـجـعَـرَه = شباب ليسوا على خلق يعبثون ويثيرون الفوضى

· مشفوح = ينقض على الشيء كأنه مو شايف خير

· مصـَمك = قابض على الشيء بشدة

· ملقوف = من يتدخل فيما لا يعنيه

· منكر حسنه = ناكر أو ناكرة الجميل

· مـيـوَه = الفاكهه

· نجره = خلاف بين شخصين

· نجـري = الشخص الذي يجادل في كل شيء

· الهدوم = الملابس

· يرطن = التحدث بلغة أجنبية

· يزوغـل = يغش في اللعب

[سماء الروح]

مشكور بوداوود الأسمر
ألحين أنا تعلمت اللهجة الكويتية
خلاص بتكلم كويتي

[بو داوود الاسمر]

هههههههههههههه ..

مو مشكلة ..

لووووووووووووول ..

مشكورين كلكم على المرور ..

[دمعة الأيام]

اني احب اللهجة الكويتية واجد
وخلاص راح اتكلم كويتي
حبيت أقول لشيطانة مرررة ان( وايد) يقولها بعد اللي من سنابس

[بو داوود الاسمر]

مشكووووووووورين على المرور

[*كلـــ دلع ــي*]

تسلم بو داوود على الموضوع الرائع

[بو داوود الاسمر]

تن شاء الله عجبتكم لهجتنا ..

ههههههههههه ..

مشكووووووووووورين على المرور ..